2015 جىلعى 30 ءساۋىر, استانا قالاسى
مەملەكەتتىك ورمان قورى اۋماعىندا ورماندى جاناما پايدالانۋ
قاعيدالارىن بەكىتۋ تۋرالى
قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ 13-بابى 1-تارماعىنىڭ 18-24) تارماقشاسىنا سايكەس بۇيىرامىن:
1. قوسا بەرىلىپ وتىرعان مەملەكەتتىك ورمان قورى اۋماعىندا ورماندى جاناما پايدالانۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى اۋىل شارۋاشىلىعى ءمينيسترى ا.مامىتبەكوۆ
«كەلىسىلگەن» «كەلىسىلگەن» «كەلىسىلگەن»
قازاقستان رەسپۋبليكاسى قازاقستان رەسپۋبليكاسى قازاقستان رەسپۋبليكاسى
ءبىلىم جانە عىلىم ءمينيسترى ينۆەستيتسيالار جانە دامۋ ۇلتتىق ەكونوميكا ءمينيسترى
_____________ ا. ءسارىنجىپوۆ ءمينيسترى________ ءا. يسەكەشەۆ _____________ ە. دوساەۆ
2015 جىلعى 13 شىلدە 2015 جىلعى 11 ماۋسىم 2015 جىلعى 1 شىلدە
قازاقستان رەسپۋبليكاسىنىڭ اۋىل شارۋاشىلىعى ءمينيسترىنىڭ 2015 جىلعى 30 ساۋىردەگى
№18-02/405 بۇيرىعىمەن بەكىتىلگەن
مەملەكەتتiك ورمان قورى اۋماعىندا ورماندى جاناما پايدالانۋ قاعيدالارى
1. جالپى ەرەجەلەر
1. وسى مەملەكەتتiك ورمان قورى اۋماعىندا ورماندى جاناما پايدالانۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ (بۇدان ءارى – كودەكس) 13-بابى 1-تارماعىنىڭ 18-24) تارماقشاسىنا سايكەس ازىرلەندى جانە مەملەكەتتىك ورمان قورى اۋماعىندا ورماندى جاناما پايدالانۋ ءتارتىبىن جۇزەگە اسىرادى (مارال ءوسىرۋ, اڭ ءوسىرۋ, ارا ۇيالارى مەن ومارتالار ورنالاستىرۋ, كوكونىس ءوسىرۋ, باۋ-باقشا شارۋاشىلىعى جانە وزگە دە اۋىل شارۋاشىلىعى داقىلدارىن ءوسىرۋ, دارىلىك وسىمدىكتەر مەن تەحنيكالىق شيكىزات, جابايى جەمىستەر, جاڭعاقتار, ساڭىراۋقۇلاقتار, جيدەكتەر جانە باسقا دا ازىقتىق ونىمدەر, مۇك, ورمان توسەنىشى جانە جەرگە تۇسكەن جاپىراقتار, قامىس دايىنداۋ جانە جيناۋ).
2. كودەكستىڭ 42-بابى 3-تارماعىنا سايكەس رۇقسات بەرەتىن قۇجاتتارى جوق جەكە تۇلعالار وبلىستىق رەسپۋبليكالىق ماڭىزى بار قالانىڭ, استانانىڭ اتقارۋشى ورگاننىڭ ۇسىنىمى بويىنشا وبلىستىق رەسپۋبليكالىق ماڭىزى بار قالانىڭ, استانانىڭ وكىلدى ورگاننىڭ شەشىمىمەن بەكىتىلگەن نورمالار شەگىندە وزدەرىنىڭ قاجەتتىلىگى ءۇشىن جابايى جەمىستەر, جاڭعاقتار, ساڭىراۋقۇلاقتار, جيدەكتەر, دارىلىك شيكىزات جانە وزگە دە جاناما ورمان رەسۋرستارىن جيناۋدى جۇزەگە اسىرادى.
3. مەملەكەتتiك ورمان قورى ۋچاسكەلەرiندەگi ورمان رەسۋرستارى ورمان پايدالانۋدى جۇزەگە اسىرۋ ءۇشiن قاراجاتى مەن وندiرiستiك قۋاتتارى جانە تيiستi بiلiكتiلiككە يە ماماندارى بار ورمان پايدالانۋشىلارعا 10 جىلدان 49 جىلعا دەيiنگi مەرزiمگە ۇزاق مەرزiمدi ورمان پايدالانۋعا بەرiلەدi. مەملەكەتتiك ورمان قورى ۋچاسكەلەرiندە قىسقا مەرزiمدi ورمان پايدالانۋ قۇقىعى ورمان بيلەتiنiڭ نەگiزiندە تۋىندايدى.
جاناما ورمان پايدالانۋ ورماندى بۇلدىرمەي, ورمان رەسۋرستارىن مولىقتىرۋعا نۇقسان كەلتىرمەي جۇزەگە اسىرىلادى.
2. مەملەكەتتىك ورمان قورى اۋماعىندا جاناما پايدالانۋدى جۇزەگە اسىرۋ ءتارتىبى
4. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 26 قاڭتارداعى № 18-02/40 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10676 بولىپ تىركەلگەن) اعاش كەسۋ بيلەتى مەن ورمان بيلەتىن ەسەپكە الۋ, ساقتاۋ, تولتىرۋ جانە بەرۋ قاعيدالارىنىڭ 2-تارماعىنىڭ 4)-تارماقشاسىن سايكەس مەملەكەتتىك ورمان قورى ۋچاسكەلەرىندە كەلەسى جاناما ورمان پايدالانۋدىڭ تۇرلەرى جۇرگىزىلەدى:
1) مارال ءوسىرۋ, اڭ ءوسىرۋ;
2) ارا ۇيالارى مەن ومارتالار ورنالاستىرۋ;
3) كوكونىس ءوسىرۋ, باۋ-باقشا شارۋاشىلىعى جانە وزگە دە اۋىل شارۋاشىلىعى داقىلدارىن ءوسىرۋ;
4) دارىلىك وسىمدىكتەر مەن تەحنيكالىق شيكىزات, جابايى جەمىستەر, جاڭعاقتار, ساڭىراۋقۇلاقتار, جيدەكتەر جانە باسقا دا ازىقتىق ونىمدەر, مۇك, ورمان توسەنىشى جانە جەرگە تۇسكەن جاپىراقتار, قامىس دايىنداۋ جانە جيناۋ;
5) ءشوپ شابۋ مەن مال جايۋ.
ءشوپ شابۋ مەن مال جايۋ مەملەكەتتىك ورمان قورىنىڭ اۋماعىندا كودەكستىڭ 99-بابى 4-تارماعىنا سايكەس بەكىتىلگەن مەملەكەتتiك ورمان قورى ۋچاسكەلەرiندە ءشوپ شابۋ جانە مال جايۋ قاعيدالارىنا سايكەس جۇزەگە اسىرىلادى.
5. مەملەكەتتىك ورمان قورى اۋماعىندا جاناما ورمان پايدالانۋ جاناما ورمان پايدالانۋدىڭ ءبىر نەمەسە بىرنەشە ءتۇرىن جۇزەگە اسىرۋ ءۇشىن ءبىر نەمەسە بىرنەشە ورمان پايدالانۋشىعا بەرىلەدى.
6. ورمان رەسۋرستارى ەكى ساناتقا ءبولىنىپ, قىسقا مەرزىمدى جانە ۇزاق مەرزiمدi پايدالانۋعا بەرىلەدى:
1) قىسقا مەرزىمدى پايدالانۋ كودەكستىڭ 34-بابىنىڭ 1-تارماعىنا سايكەس مەملەكەتتىك ورمان يەلەنۋشى بەرەتىن ورمان بيلەتىنىڭ نەگىزىندە ءبىر جىلعا دەيىنگى مەرزىمگە بەرىلەدى;
2) ۇزاق مەرزiمدi پايدالانۋ كودەكستىڭ 35-بابىنا سايكەس بەكىتىلگەن مەملەكەتتىك ورمان قورى ۋچاسكەلەرىندە ورمان رەسۋرستارىن ۇزاق مەرزىمدى ورمان پايدالانۋعا بەرۋ جونiندە تەندەرلەر وتكىزۋ قاعيدالارىنىڭ 27-تارماعىنا سايكەس تەندەر حاتتاماسىنىڭ نەگىزىندە, كەيىننەن مەملەكەتتىك ورمان يەلەنۋشى جانە ورمان پايدالانۋدى جۇزەگە اسىرۋ ءۇشىن قاراجاتى مەن وندىرىستىك قۋاتتارى جانە ءتيىستى ماماندىق يەلەرى بار ورمان پايدالانۋشىنىڭ اراسىندا 10 جىلدان 49 جىلعا دەيىنگى مەرزىمگە شارت رەسىمدەي وتىرىپ بەرىلەدى.
7. مەملەكەتتىك ورمان قورى ۋچاسكەلەرىندە ورماندى جاناما پايدالانۋ قۇقىعى كودەكىستىڭ 39-40 جانە 41-باپتارىنا سايكەس بەلگىلەنگەن تارتىپپەن توقتاتىلا تۇرادى, شەكتەلەدى جانە توقتاتىلادى.
3. مارال ءوسىرۋ جانە اڭ ءوسىرۋدى جۇزەگە اسىرۋ ءتارتىبى
8. مەملەكەتتىك ورمان قورى ۋچاسكەلەرىندە مارال ءوسىرۋدى نەمەسە اڭ ءوسىرۋدى جۇزەگە اسىرۋ ماسەلەنى قاراۋ ءۇشىن ءوتىنىش بەرۋشى (ىقتيمال ورمان پايدالانۋشى) مەملەكەتتىك ورمان يەلەنۋشىگە قاجەتتى تەحنيكالىق-ەكونوميكالىق نەگىزدەمەلەردى, ەسەپ-قيساپتاردى, سىزبالاردى, بيزنەس-جوسپاردى قامتيتىن مارال ءوسىرۋ فەرماسىن نەمەسە اڭ فەرماسىن ۇيىمداستىرۋ جوباسىن ۇسىنادى.
9. قىسقا مەرزiمدi پايدالانۋ كەزىندە ءوتىنىش جاسالىپ وتىرعان ورمان پايدالانۋ ءتۇرىن بەرۋ تۋرالى مەملەكەتتىك ورمان يەلەنۋشىنىڭ شەشىمى ورمان بيلەتىن بەرۋ تۇرىندە رەسىمدەلەدى.
مەملەكەتتiك ورمان قورى ۋچاسكەلەرi ۇزاق مەرزiمدi پايدالانۋعا تەندەر حاتتاماسى نەگiزiندە جانە كەيiن مەملەكەتتىك ورمان يەلەنۋشى مەن ورمان پايدالانۋشى اراسىنداعى شارتپەن رەسiمدەلە وتىرىپ بەرiلەدi, ال مەملەكەتتىك ورمان يەلەنۋشىنىڭ شەشىمى ورمان بيلەتىن بەرۋ تۇرىندە رەسىمدەلەدى.
10. مەملەكەتتىك ورمان يەلەنۋشى ىقتيمال ورمان پايدالانۋشى ۇسىنعان ماتەريالداردى قاراپ, كۇنتىزبەلىك ون بەس كۇن ىشىندە ءوتىنىش جاسالىپ وتىرعان ورمان پايدالانۋ ءتۇرىن بەرۋ نەمەسە جازباشا تۇردە دالەلدى باس تارتۋ تۋرالى شەشىم قابىلدايدى.
11. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 26 قاڭتارداعى № 18-02/40 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10676 بولىپ تىركەلگەن) اعاش كەسۋ بيلەتى مەن ورمان بيلەتىن ەسەپكە الۋ, ساقتاۋ, تولتىرۋ جانە بەرۋ قاعيدالارىن سايكەس ءوتىنىش جاسالىپ وتىرعان ورمان پايدالانۋ ءتۇرىن بەرۋ تۋرالى وڭ شەشىم قابىلدانعان جاعدايدا مەملەكەتتىك ورمان يەلەنۋشى ءۇش جۇمىس كۇنى ىشىندە ورمان پايدالانۋشىعا ورمان بيلەتىن تاپسىرادى جانە مەملەكەتتىك ورمان قورىنىڭ ءتيىستى ۋچاسكەلەرىن بەرەدى.
مارال ءوسىرۋ فەرمالارىن نەمەسە اڭ فەرمالارىن ۇيىمداستىرۋ ءۇشىن ورماندى القاپتار دا, ورمانسىز القاپتار بولىنەدى.
ورمان پايدالانۋشىنىڭ جوباسىنا سايكەس وعان بەرىلەتىن ۋچاسكەلەردىڭ قۇرامىنا فەرمانىڭ جۇمىس ىستەۋى ءۇشىن قاجەت شابىندىق, جايىلىمدىق القاپتار ەنەدى. بەرىلگەن ۋچاسكەلەردە باعىلاتىن مارالداردىڭ سانى ورمان ەكوجۇيەسىنە تۇسەتىن عىلىمي نەگىزدەلگەن جۇكتەلىم نورمالارىنان اسىرىلمايدى.
12. ورمان پايدالانۋشىلار بەرىلگەن ۋچاسكەلەردە ۋاقىتشا (قالقالار, كۇزەت ۇيشىكتەرى, قورشاۋلار, قاشالار, شارباقتار) جانە تۇراقتى (زووۆەتزەرتحانالارعا جانە پەرسونالدى ورنالاستىرۋعا ارنالعان ءۇي-جايلار, اڭ فەرماسىنىڭ جەمشوبىن ساقتايتىن توڭازىتقىشتار, مارالداردى قولدا باعىپ ۇستايتىن قورا-جايلار) قۇرىلىستار سالادى. اتالعان قۇرىلىستاردىڭ مولشەرلەرى, ولاردى ورنالاستىرۋ, باعىپ-ۇستاۋ جاعدايلارى شارتتا جانە ورمان بيلەتىندە كورسەتىلەدى.
13. ورمان پايدالانۋشىلار كودەكستىڭ 38-بابىنا سايكەس ۇزاق مەرزiمدi ورمان پايدالانۋ شارتىنىڭ تالاپتارىن, سونداي-اق اعاش كەسۋ بيلەتiمەن, ورمان بيلەتiمەن بەلگiلەنگەن تالاپتاردى ساقتايدى.
4. ارا ۇيالارى مەن ومارتالار ورنالاستىرۋ ءتارتىبى
14. ارا ۇيالارى مەن ومارتالار ورنالاستىرۋعا ارنالعان ۋچاسكەلەر ورمان شەتتەرىنەن, الاڭقايلاردان جانە ورمان كومكەرمەگەن باسقا دا القاپتاردان اعاش كەسۋ, ورمان الاڭدارىن تازارتۋ, جىرتۋ جانە ولاردا جىلجىمالى ومارتالار ءۇشىن تۇراقتى ۇلگىدەگى قۇرىلىستار تۇرعىزۋ قۇقىعىنسىز بەرىلەدى.
تۇراقتى ومارتالار ورنالاستىرۋعا ارنالعان ۋچاسكەلەر ۇزاق مەرزىمدى ورمان پايدالانۋ كەزىندە ورمان پايدالانۋشىلارعا ارنايى بەكىتىپ بەرىلگەن ۋچاسكەلەردەن بەرىلەدى.
15. ورمان پايدالانۋشىلار ارا ۇيالارىن ورناتادى جانە ۋاقىتشا قۇرىلىستار - كۇزەت ۇيشىكتەرىن, ارا ۇيالارىن, بال جيناۋ قۇرال-جابدىقتارىن, ونىمدەرىن ساقتايتىن قويمالار سالادى, ۋاقىتشا قارا جولدار تارتادى. اتالعان قۇرىلىستاردىڭ شەكتى مولشەرى, ءتۇرى جانە سيپاتى, ولاردى قۇلاتۋ (الىپ كەتۋ) ءتارتىبى, سونداي-اق تارتىلاتىن جولداردىڭ باعىتى, ۇزىندىعى جانە مولشەرى ورمان بيلەتىندە ايقىندالادى.
16. ورمان پايدالانۋشىعا ارا ۇيالارى مەن ومارتالار ورنالاستىرۋ ءۇشىن بەرىلگەن ۋچاسكە مەملەكەتتىك قاجەتتىلىكتەر نەمەسە مەملەكەتتىك ورمان قورىنىڭ ساناتىن وزگەرتۋ ءۇشىن الىپ قويىلعان جاعدايدا وسى ۋچاسكەنى پايدالانۋ ونى
پايدالانۋ مەرزىمىنە قاراماستان توقتاتىلادى, بىراق ورمان پايدالانۋشىعا بۇل جايىندا كەمىندە ءبىر اي بۇرىن ەسكەرتۋ جاسالۋى قاجەت. ورمان پايدالانۋشىنىڭ ءوتىنىشى بويىنشا وعان بۇل ۋچاسكەنىڭ ورنىنا بال جيناۋ ماۋسىمى اياقتالعانعا دەيىن ارا ۇيالارى مەن ومارتالار ورنالاستىرۋعا جارامدى باسقا بوس ۋچاسكە بەرىلەدى.
5. كوكونىس ءوسىرۋدى, باۋ-باقشا ءوسىرۋ جانە وزگە دە اۋىل شارۋاشىلىعى داقىلدارىن
ءوسىرۋدى جۇزەگە اسىرۋ ءتارتىبى
17. كوكونىس, باۋ-باقشا ءوسىرۋ جانە وزگە اۋىل شارۋاشىلىعى داقىلدارىن وسىرۋگە ارنالعان ۋچاسكەلەر (دارىلىك وسىمدىكتەردى, جەمىس-جيدەك داقىلدارىن پلانتاتسيادا ءوسىرۋدى قوسا العاندا) مەملەكەتتىك ورمان قورىنىڭ ورمانسىز القاپتارىنان بەرىلەدى. بولىنگەن ۋچاسكەلەردە وسىرىلەتىن اۋىل شارۋاشىلىعى داقىلدارىنىڭ ناقتى تۇرلەرى مەن الاڭدارى ورمان بيلەتىندە كورسەتىلەدى.
كورسەتىلگەن ۋچاسكەلەر مەملەكەتتىك ورمان قورىنىڭ ساناتى وزگەرگەن جاعدايدا ورمان پايدالانۋشى وسى ۋچاسكەلەردە ءوسىرىپ جاتقان اۋىل شارۋاشىلىعى داقىلدارىنىڭ ءونىمىن جيناپ الۋدى اياقتاعانشا الىنىپ قويىلمايدى. پلانتاتسيالىق داقىلدار ەگىلگەن ۋچاسكەلەر الىپ قويىلعان جاعدايدا ورمان يەلەنۋشى ورمان پايدالانۋشىمەن كەلىسىم بويىنشا قۇنى بىردەي باسقا ۋچاسكە بەرەدى جانە بۇل داقىلداردى ىڭعايلى مەرزىمدە وسى ۋچاسكەگە كوشىرۋگە (قايتا وتىرعىزۋعا) كومەك كورسەتەدى.
18. وسى داقىلداردى ءوسىرۋ كەزىندە پايدالانىلاتىن جەرلەر مەن قورشاعان ورتانىڭ جاي-كۇيىنە تەرىس اسەر ەتپەيتىن اگروتەحنيكا قولدانىلادى.
گەربيتسيدتەر مەن قاجەت ەمەس وسىمدىكتەرمەن كۇرەسۋگە ارنالعان وزگە حيميالىق زاتتاردى پايدالانۋ «پەستيتسيدتەردىڭ (ۋلى حيميكاتتاردىڭ) قاۋىپسىزدىگىنە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 29 مامىرداعى № 515 قاۋلىسىمەن بەكىتىلگەن «پەستيتسيدتەردىڭ (ۋلى حيميكاتتاردىڭ) قاۋىپسىزدىگىنە قويىلاتىن تالاپتار» تەحنيكالىق رەگلامەنتىنە سايكەس جۇزەگە اسىرىلادى.
19. كوكونىس ءوسىرۋدى, باۋ-باقشا ءوسىرۋ جانە وزگە دە اۋىل شارۋاشىلىعى داقىلدارىن ءوسىرۋ كەزىندە ورمان پايدالانۋشىلار سۋارۋ ءۇشىن سۋ رەسۋرستاردى پايدالانۋعا 2003 جىلعى 9 شىلدەدەگى قازاقستان رەسپۋبليكاسىنىڭ سۋ كودەكسىنىڭ 95-بابىنىڭ 6-تارماعىنا سايكەس جۇزەگە اسىرادى.
20. ورمان پايدالانۋشىلار بەرىلگەن ۋچاسكەلەردە ۋاقىتشا قۇرىلىستار – كۇزەت ۇيشىكتەرىن, قۇرال-جابدىقتار, تىڭايتقىشتار, وسىرىلگەن ءونىمدى ساقتايتىن قالقالار, سۋ تارتۋ قۇرىلىستارىن سالادى, ۋاقىتشا قارا جولدار تارتادى. بۇل قۇرىلىستاردىڭ مولشەرى, ءتۇرى جانە ماقساتى, ولاردى قۇلاتۋ (الىپ كەتۋ) ءتارتىبى, سونداي-اق تارتىلاتىن سۋ جۇيەلەرى مەن جولداردىڭ باعىتى, ۇزىندىعى جانە مولشەرى ورمان بيلەتىندە ايقىندالادى.
6. دارىلىك وسىمدىكتەردى, تەحنيكالىق شيكىزاتتى دايىنداۋ مەن جيناۋدى جۇزەگە اسىرۋ ءتارتىبى
21. ورمان پايدالانۋشىلار مەملەكەتتىك ورمان قورى اۋماعىندا دارىلىك (جاپىراقتار, گۇلدەر, جەمىستەر, بۇرشىكتەر, تامىرلار, شوپتەردىڭ جانە بۇتالاردىڭ كەيبىر تۇرلەرىنىڭ تۇينەكتەرى, قالەمشەلەرى) جانە تەحنيكالىق شيكىزات دايىنداۋدى جۇزەگە اسىرادى.
22. دارىلىك جانە تەحنيكالىق شيكىزات دايىنداۋ (جيناۋ) وسىمدىكتەردىڭ دەر كەزىندە قالپىنا كەلۋىن جانە ولاردىڭ قورلارىنىڭ مولىعىپ وتىرۋىن قامتاماسىز ەتەتىن كولەمدەردە جۇرگىزىلەدى.
23. دارىلىك جانە تەحنيكالىق شيكىزاتتى كاسىپشىلىك ماقساتتا دايىنداۋ (جيناۋ) وسى ماقساتتار ءۇشىن ارنايى بولىنگەن ۋچاسكەلەردە جۇزەگە اسىرىلادى.
24. دەربەس تۇتىنۋ ءۇشىن دارىلىك الۋان ءتۇرلى شوپتەر دايىنداۋ دا (جيناۋ) ارنايى بولىنگەن ۋچاسكەلەردە جۇزەگە اسىرىلادى, بۇل رەتتە ورمان بيلەتىندە دايىنداۋ شەكاراسى (ورمانشىلىق, شاتقال, ورام, تەلىم) كورسەتىلەدى.
7. جابايى جەمىستەر, جيدەكتەر, جاڭعاقتار, ساڭىراۋقۇلاقتار مەن باسقا دا ازىقتىق ونىمدەر
دايىنداۋ مەن جيناۋدى جۇزەگە اسىرۋ ءتارتىبى
25. مەملەكەتتىك ورمان قورى اۋماعىندا جابايى جەمىستەر, جيدەكتەر, جاڭعاقتار, ساڭىراۋقۇلاقتار جانە باسقا دا ازىقتىق ونىمدەر وندىرىلەدى.
26. بالقاراعاي مەن گرەك جاڭعاعى ەكپەلەرىندە جاڭعاق كاسىپشىلىگى ايماقتارى مەن ۋچاسكەلەرى بولىنەدى, ولار پايدالانۋشى زاڭدى تۇلعالارعا ۇزاق نەمەسە قىسقا مەرزىمدى ورمان پايدالانۋ نەگىزىندە جاڭعاق دايىنداۋ جانە جاناما ورمان پايدالانۋدىڭ باسقا دا تۇرلەرى ءۇشىن بەكىتىلىپ بەرىلەدى.
27. جابايى جەمىستەر, جاڭعاقتار, ساڭىراۋقۇلاقتار, جيدەكتەر جانە باسقا دا ازىقتىق ونىمدەر دايىنداۋ ورمانداعى جەمىس, جاڭعاق, جيدەك وسىمدىكتەرى مەن ساڭىراۋقۇلاق الاڭقايلارىنا زيان كەلتىرمەيتىن تاسىلدەرمەن قاتاڭ بەلگىلەنگەن مەرزىمدە اعاشتار مەن بۇتالاردى كەسپەي جۇرگىزىلۋگە ءتيىس.
28. جابايى جەمىستەر, جاڭعاقتار, ساڭىراۋقۇلاقتار, جيدەكتەر جانە باسقا دا ازىقتىق ونىمدەر دايىنداۋ ءۇشىن بەرىلگەن ۋچاسكەلەردە ورمان پايدالانۋشىلار ۋاقىتشا قۇرىلىستار - قالقالار, قويمالار, كۇزەت ۇيشىكتەرىن, جەمىستەر, جاڭعاقتار, جيدەكتەر مەن ساڭىراۋقۇلاقتار, ازىقتىق ونىمدەر وڭدەۋگە ارنالعان قوندىرعىلار, كەپتىرگىشتەر سالادى, سونداي-اق بار ورمان جولدارىن پايدالانادى. قۇرىلىستاردىڭ, سونداي-اق پايدالانىلاتىن قوندىرعىلاردىڭ مولشەرى, ءتۇرى جانە ماقساتى ورمان بيلەتىندە كورسەتىلەدى.
8. مۇك, ورمان توسەنىشىن جانە جەرگە تۇسكەن جاپىراقتاردى, قامىس دايىنداۋدى جۇزەگە اسىرۋ ءتارتىبى
29. مۇك, ورمان توسەنىشى مەن جەرگە تۇسكەن جاپىراقتاردى, قامىس دايىنداۋ ولاردى قۇرىلىستا, جەمشوپ وندىرىسىندە, مال تۇراتىن قورا-جايلاردا پايدالانۋ ءۇشىن, كوڭ دايىنداۋ ءۇشىن جانە باسقا ماقساتتاردا جۇزەگە اسىرىلادى.
30. اتالعان وسىمدىك شيكىزاتىن دايىنداۋ قورشاعان ورتاعا زيان كەلتىرمەي, ورمان بيوتسەنوزدارىنىڭ تۇتاستىعىن ساقتاۋدى قامتاماسىز ەتەتىن تاسىلدەرمەن, وسى رەسۋرستاردى ىقتيمال الۋدىڭ عىلىمي نەگىزدەلگەن نورمالارىنا سايكەس جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11882 بولىپ ەنگىزىلدى.